Ithan mein muthri nit jaan balab
Tou ty khush wasda wich mulk Arab
Har wele yar di tang laggi
sonjay seenay sik di sang lagii
dhiki jindri dy hath tang laggi
thy mil mil soul samolay sab
Tatti thi jogan, chudhaar phiraan
hind sindh Punjab ty maar phiraan
Sonj baar ty shaher Bazar phiraan
Mataan yaar milan kain sang sabab
Tede Dhikray dhoray khandri aan
Tede bandiaan di saeen bandri aan
Tede naam toon muft wikandrii aan
Tede Dar dy kuteeaan naal adab
wah sohna dholan yaar sajan
wah dilber Hot Hijaaz watan
aa dekh Fareed da Bait Hazan
him rooz azal di tang talab
اتھاں میں مٹھڑی نت جان بہ لب
او تاں خوش وسدا وچ ملک عرب
ہر ویلے یار دی تانگھ لگی
سُنجے سینے سِک دی سانگ لگی
ڈکھی دِلڑی دے ہتھ ٹانگھ لگی
تھئے مل مل سول سمولے سب
تتی تھی جوگن چو دھار پھراں
ہند سندھ پنجاب تے ماڑ پھراں
سنج بار تے شہر بزار پھراں
متاں یار ملم کہیں سانگ سبب
جیں ڈینہ دا نینہ دے شینہ پُٹھیا
لگی نیش ڈکھاں دی عیش گھٹیا
سر جوبن جوش خروش ہٹیا
سُکھ سڑ گئے مر گئی طرح طرب
توڑیں دھکڑے دھوڑے کھاندڑیاں
تیڈے نام تے مفت وکاندڑیاں
تیڈی باندیاں دی میں باندڑیاں
ہے در دیاں کُتیاں نال ادب
واہ سوہنا ڈھولن یار سجن
واہ سانول ہوت حجاز وطن
آدیکھ فرید دا بیت حزن
ہم روز ازل دی تانگھ طلب
0 Comments